Monday 16 October 2017

അവന് അവളോട് പ്രണയമായിരുന്നെന്നോ
ആയിരിക്കാം
അവളോടൊപ്പമുള്ള നിമിഷങ്ങൾക്കായ് കൊതിച്ചത് അതുകൊണ്ടായിരിക്കില്ലേ

വാ തുറന്ന് പൊട്ടി പൊട്ടി ചിരിച്ചതും
മനസ്സിനെ, അതിരുകളില്ലാത്ത ആകാശത്തേക്ക് പറത്തി വിട്ടതും.

ചിതലിരിക്കുന്ന ചിന്തകൾക്ക്
പുനർ ജന്മമേകിയതും എല്ലാം

അവളോടുള്ള പ്രണയം കൊണ്ടായിരിക്കാം
അവളും അവനെ ഇഷ്ടപെട്ടിരിക്കാം

അവൻ തേടിയതെല്ലാം അവൾ കൊടുത്തിരുന്നല്ലോ
അതെ,
യാത്രകളോട് അവന് വല്ലാത്ത പ്രണയമായിരുന്നു.

--- ആർ കെ എൻ ---